Ritandinn hefur eitthvað verið að fela sig fyrir mér í sumar, er farið að gruna að hann hafi orðið eftir í Danmörku þegar ég skellti mer til íslands. En ég er komin aftur, og svo virðist sem ég hafi rétt fyrir mér, ég fann andan koma yfir mig um leið og ég var mætt í Litlu stórborgina. En ég ætla héðan í frá að tjá mig á nýjum stað.....kíktu þangað eða vertu ferhyrningur

http://www.123.is/hannalo/ 

Ekki nóg með það að heita vatnið klárast (sem hefði bara verið í lagi, ísköld frískandi sturta í þessum hita) heldur klárast kalda vatnið líka. Og ég stend nakin í sturtunni nýbúin að skella hárnæringu í hausinn á mér. En ég dey ekki ráðalaus, skottast fram í eldhús og næ í tveggjalítra vatnsflöskuna í ísskápinn og skola hárið með ísköldu vatninu. Þetta er örugglega eitthvað það skondnasta sem ég hef gert lengi. Maður verður nú að bjarga sér.

Mikið rosalega er ljúft að vera sommerferie. Og ekki skemmir veðrið fyrir. Sólin ákvað samt að láta ekkert sjá sig fyrren eftir hádegi í gær, sem var ágætt þar sem ég náði þá að þrífa íbúðina aðeins...veitti ekki af. Var kominn freeeekar mikill próflestrarbragur hjá mér. Mér var óvænt boðið í skútusiglingu seinnipartinn og þáði það að sjálfsögðu, ekki á hverjum degi sem maður fær að fara út að sigla. Mér leið einsog Rachel í friends, þegar hún var að kenna Joey að sigla. Nema í þessu tilfelli var það ég sem fékk skipanirnar. Peter var með þetta allt á hreinu og stjórnaði aðstoðarmönnunum, mér og Chris, einsog hann hefði aldrei gert annað. Snillingur. ég lærði fullt af siglingar hugtökum, lærði meirað segja muninn á stjórnborð og bakborð, sem er nokkuð vel af sér vikið þar sem ég á erfitt með að átta mig á hægri og vinstri. Held ég fari bara að nota hitt í staðinn.

 Ég bjóst við því að þetta yrði svona tveggja tíma program, og gerði dinner aftale við Eygló. En strákarnir voru sko ekkert að flýta sér, alltí einu var klukkan orðin 20.00 og við útá einhverri eyju að tjilla. Ætluðum að fá okkur ís, en það var lokað í kiosken, verður bara að bíða þangað til næst. Ég sat við stýrið allan tímann, enda smá kontrol freak í mér,  og reyndi einsog ég gat að blása í seglin og koma okkur hraðar í land, þar sem eygló var farin að bíða, svöng. En strákarnir eru klókari en þeir líta úr fyrir að vera og áttuðu sig á veikleika mínum.....ég get ómögulega gert tvennt í einu. Þegar ég fór að tala, eða hlusta á þá, bara einbeita mér að einhverju öðru en að sigla, þá hægðist þvílíkt á skútunni. Þetta var næstum því hætt að vera fyndið en ég fékk þó að heyra ýmsar skemmtilegar sögur þarna á heimleiðinni, Peter tók meirað segja nokkru Disko spor uppá þili (eða hvað maður kallar þetta allt saman) til að trufla mig. En eftir rúmlega 5 tíma siglingu komum við aftur í land, og ég rétt náði á tveir fyrir einn tilboð á Caribbian bar. En mikið rosalega er ljúft að vera svona útá hafi...ef við bara hefðum getað stöðvað flugumferðina á Kastruup þá hefði verið algjör þöng. Og bara nokkrum kílómetrum frá var hasar hversdagsins í Litlu stórborginni. Annað slagið sigldi risaflutninga skip framhjá, meirað segja eitt Samskip, fullt af varningi frá íslandi. Við rétt sluppum frá árekstri við einn risa. Það var pínu scary en Peter, maður með reynslu, hló bara og veifaði skipstjóranum. Hann veifaði ekki til baka, ekki sáttur við þennan skútutitt sem sigldi í veg fyrir hann.

ég vildi að ég gæti sett inn nokkrar myndir af þessu öllu saman, en myndavélin mín ákvað alltí einu að hafa sjálfstæðan vilja og tekur bara myndir þegar henni hentar, þannig að eg verð að bíða eftir að Peter sendi mér myndirnar sínar. En sólin er orðin óþolinmóð, ætlað skella mér uppá þak í smá tan session

 ps. Davíð bróðir er kominn með miða á Hróaskeldu...veivei, veit ekki alveg hvernig hann fór að því þar sem það er uppselt allstaðar, en það þýðir að ég verð líklega að hætta við toplessRoskilde...sorry maggi.

Rúllaði þessi munnlega anatómíuprófi upp og fékk 9,0, græt það sko ekki. Var alveg búin að vinna mér inn fyrir þessu, og var líka gjörsamlega over á líkama og sál í gær, lá einsog klessa í sólbaði með kokteil í annarri í góðra vina hópi en meikaði ekki að fara útúr húsi. Það verður klárlega bætt upp fyrir það í kvöld, tveir fyrir einn á besta kokteilbar kaupmannahafnar (eða svo hef ég heyrt)

Sé framá gott sumar, kokteila og sólbað, vinna, fullt af tónlist og fullt af fólki að koma í heimsókn. Gerist ekki betra. Þriðja önnin búin, bara 9 to go, þetta er helv fljótt að líða. Orðin 1/4 læknir....finnst það bara nokkuð vel af sér vikið.

Fyrri hluti þriðju annar prófsins lokið. Gekk bara voða vel, 80% rétt í anatómíunni, ekki slæmt það Fæ tímasetningu á munnlega prófið, og þar sem seinnihluta prófsins, á morgun. Vona innilega að ég verði bara búin sem fyrst. Það er svo margt skemmtilegt sem bíður mín, kominn nettur sumarfiðringur í mig laumaðist aðeins í sólbað í dag, tók reyndar möppuna góðu með og náði að læra slatta uppá þaki OG fá smá lit. Alltaf að græða.

Miðinná Hróaskeldu kominn í hús, Búin að kaupa miða fyrir mig og Bræðurna á Zulu Rocks, og síðast en ekki síst mæti ég að sjálfsögðu að sjá Justin vin minn í Parken 23.júní. Þetta stefnir semsagt í mikið tónlistarsumar hjá mér. Nice.

Mamma og Pabbi eru væntanleg til Kaupmannahafnar á morgun. Rétt ná að bjóða mér útað borða og gefa mér gott gangi-þér-vel-í-prófinu-knús áður en þau halda áfram til Tælands. Verð nú að viðurkenna að það verður voða notalegt að fá að sjá þau aðeins svona þegar maður er á lokasprettinum í prófatörn, held að það breytist ekkert þótt maður flytji að heiman vildi samt að þau hefðu aðeins meiri tíma, þá gæti mamma kannski þrifið hjá mér (íbúðin er farin að vera frekar skítug) og pabbi jafnvel sett nýja rúmið mitt saman og hent því gamla niðrí geymslu. Það er freeeekar þröngt að vera með tvö rúm hérna í þessari litlu íbúð og það er ekki til að bæta draslið sem er hérna fyrir en ég er voðalega sátt við að vera boðið útað borða, það dugar mér alveg á þessum tímapunkti :-p

Síðastliðinn sólarhring hefur Rússland sent okkur í Danaveldi heita strauma, með þrumum og eldingum, úrhellisrigningu, sól, hita og raka.

Næsta sólarhring eða svo eru hinsvegar allir anatómiskir straumar vel þegnir...

Þeir eru orðnir ansi loðnir í framan, strákarnir á Panum sem ætla ekki að raka sig fyrr en eftir próf.

Eins ljúft og það er að taka smá blund á bókasafninu eftir langa lestrartörn, þá er alveg hrikalegt að hrökkva upp við stunurnar í sjálfum sér. Klúðraði blundinum algjörlega. Sem betur fer sat ég alveg útí enda og stelpa við hliðiná mér.

Karnival í Fælledparken um helgina, lætin þaðan óma allaleið inní íbúðina mína. Tour De kökken á kolleginu í kvöld. Má búast við miklu drykkjulátum, fólkið er nú þegar farið að hlaupa um gangana. Ég er þreytt, mæting á bókasafnið aftur í fyrramálið kl. 0900. Jess, þetta verður svo skemmtileg nótt Gott að það sér fyrir endan á þessu. Prófnúmer komið í hús, reikna með því að mæta í munnlega prófið 5.júní.....så er det SOMMERFERIE. Dejligt.

http://www.gemplus.com/ Guðrún lilja, vissiru að þetta væri til??

segja sumir....já það var smá þröngt við matarborðið mitt í gær þegar ég hélt stæðsta matarboðið hingað til í íbúðarkrúttinu mínu. Þetta var að sjálfsögðu 4 rétta eðalmáltíð a La Hanna Lilja, Thai take away :-D (give me a break, er í prófalestri, hef engan tíma til að elda þriggja rétta einsog Peter Hinn Danski) En ég ákvað samt að gefa mér smá tíma til að fá Magga í heimsókn, hefði verið leiðinlegt að þurfa að hætta að umgangast hann, hann er eiginleg af skemmtilegur til að fórna.

Það er fátt meira hressandi en að hjóla gegnum Fælledparken kl. 8.06, eftir 4 tíma svefn (já við sátum svoldið lengi í gærkvold yfir mjög litríkum umræðum) nýslegin graslykt í lofti og mild gola. Nice. Það er hins vegar ekki eins hressandi þegar síminn hringir á miðjum fyrirlestir hjá Kursusledernum, viku fyrir próf. Hvað þá ef maður finnur ekki símann í töskunni, kursuslederinn hættir að tala og 277 læknanemar líta við....Á MIG!!!. ég sem man ALLTAF eftir að setja símann á silent. Hvað er að gerast með mig?

Byrgði mig upp af klósettpappír í dag. Þetta ætti að duga framyfir próf. Það er farið að verða ansi fátæklegt í nærfataskúffunni minni, er mjög sexy þessa dagana, í mjög svo ósamstæðum nærfötum. Fer líka að skorta handklæði. Pæling að skella í eina vél í vikunni, svo verður þetta bara að duga framyfir próf. Prófabólur farnar að gera vart við sig og loðnu leggirnir eru bara ekki að gera sig í góða veðrinu...en ég verð bara að þola það. Framyfir próf.

Alltaf gaman að heyra þetta eftir misheppnaða myndatöku. En Eygló, hún er hreinskilin. Tók síðan nýja mynd og sú misheppnaða fékk ekki pláss á veraldarvefnum. Maggi er í heimsókn hjá henni núna (segist vera í skylduheimsókn...hann hefur samt ekki ennþá komið til mín og ég er búin að búa hérna í 16 mánuði hnuss) En við Tinna fórum með þeim útað borða í gær. Heilluðum Ítölsku þjónana alveg uppúr skónum og fengum rauða rós og alles. Finnst svo gaman að fá blóm. fílaði samt ekki rósablöðin á matarborðinu. Fólkinu á næsta borði fannst þau samt æði og settu þau útí rauðvínið (hvað er það??) verða að muna að segja það við framtíðareiginmann minn. Vil heldur ekki sjá rósablöð á rúminu eða neitt í þeim dúr.

Það rignir endalaust í litlu stórborginni þessa stundina og eyddum við Daníel deginum saman yfir bókunum, innandyra. Komst að því að "Larynx betyder fløjte" skemmtilegur fróðleikur það. Ætli það hjálpi mér á prófinu?

Það verður nú að segjast einsog er að síðasta vika hefur verið mjög skrýtin. Reif sjálfa mig uppúr prófalestri og dreif mig til íslands, og náði að vera við fallega útför afa míns. Þór prestur hafði aldrei séð jafnmarga í Kirkjunni, Egill Ólafsson söng guðdómlega, og Salur Golfklúbbsins í Grafarholti rúmaði ekki alla sem vildi koma og vera við erfidrykkjuna. Það var grátið og hlegið, rifjað upp góðar minningar og skálað fyrir góðum manni og nýrri lítilli frænku. Á svona tímum sér maður hvað maður á góða að en ég er ekki frá því að þetta hafi verið einhver lengsta vika lífs míns.  

En lífið heldur áfram og ég er komin aftur til Köben, beint í prófabrjálæðið og stressið aðeins farið að segja til sín. Núna er bara að halda vel á spöðunum, rétt um 3 vikur eftir og svo er bara komið sumarfrí.

Það fæddist lítill prins inn í læknaskvísuhópinn í gær. Nanna og Eyþór eignuðust stóran og flottan strák seinnipartinn í gær, með ljóst krullað hár, og alveg einsog mamma sín. Innilega til hamingju turtildúfur Það hlaut að koma að því að það fæddist strákur í kringum mig, stelpurnar hafa hrúgast niður undanfarið. En þetta hentar mjög vel. Mary og Frederik krónsprinspar nýbúin að eignast stelpu, og þegar hún var ekki nema sólarhrings gömul  var þegar búið að spá í hennar spil og þau segja að hún eigi eftir að giftast erlendum manni, verður víst ekki mikið fyrir danina þessi. Verður spennandi að sjá....kannski eiga þau bara eftir að kynnast, litla prinsessan og prinsinn hennar Nönnu?  

Miðvikudagurinn 2.mai var fallegur dagur. Svolítið tómur, en samt fallegur. Afi valdi fallegan dag. Fallegur dagur fyrir fallegan mann. En það er skrýtið að vera svona langt frá fjölskyldunni þegar svona bjátar á. Verður gott að koma heim á morgun í faðm fjölskyldunnar og ná að kveðja afa í síðasta sinn.

Ég hef fundið minn eigin Dr. Carter á Panum. Loksins. Fáranlega heitur gaur.

Endurnýjaði árskortið mitt í Tívolí í síðustu viku og ætlaði svo að kaupa mér turpas á laugardaginn og missa mig í tækjunum. Fórum útað borða fyrst, en borðuðum svo mikið að við ákváðum að fresta tækjaflippinu um óákveðin tíma. Hefði ekki verið vinsælt ef ég hefði ælt í miðri rússibanaferð. Þar sem sólin sér ávallt til þess að ég sofi ekki yfir mig og vekur mig klukkan 0700 ákvað ég að vera skynsó og fara snemma heim. Kíktum reyndar á stóra fiskabúrið fyrst, en misstum af flugeldasýningunni. Verður að bíða betri tíma, einsog öll tækin líka.

Kom heim með þrútnustu fætur ever. Lagðist uppí rúm með hobbitatærnar uppí loft. Hvaðan kom þessi bjúgur eiginlega? Mætti halda að ég væri komin 7 mánuði á leið. En ég fullvissa ykkur um að svo sé ekki.

Shit, ég tapaði svo feitt í Kana um daginn....ég gæti sagt að ég sé undantekningin sem sannar regluna "heppin í ástum, óheppin í spilum" en það var eiginlega Miss G sem dró mig í svaðið. Þetta voru þakkirnar fyrir Fiskisúpuna

Sunnudagar til sælu segja sumir. Sólin freistaði allavega mikið, en það styttist í próf og ekki mikill tími aflögu til að liggja í sólbaði. Skellti mér þess í stað í ljós. Pabbi er alltaf að skamma mig fyrir að fara í ljós og já...í þetta skiptið fékk ég mína refsingu fyrir að óhlýðnast. Rautt bak, rauður magi og mjög svo eplalegar rasskinnar. Skemmtilegt.